ਬੰਸੀ ਨਗਰ ਸ਼ਿਵ ਮੰਦਰ ਤੋਂ ਮਹਾਸ਼ਿਵਰਾਤਰੀ ਦੇ ਸਬੰਧ ਵਿੱਚ ਵਿਸਾਲ ਸ਼ੋਭਾ ਯਾਤਰਾ ਕੱਢੀ ਗਈ !
ਡਾ. ਘਈ ਨੇ ਸ਼ੋਭਾ ਯਾਤਰਾ ਵਿੱਚ ਸਹਿਯੋਗ ਦੇਣ ਲਈ ਸ਼ਹਿਰ ਵਾਸੀਆਂ ਦਾ ਧੰਨਵਾਦ ਕੀਤਾ।
ਹੁਸ਼ਿਆਰਪੁਰ 25 ਫਰਵਰੀ (ਤਰਸੇਮ ਦੀਵਾਨਾ) ਮਹਾਸ਼ਿਵਰਾਤਰੀ ਦੇ ਮੌਕੇ ‘ਤੇ ਸ਼ਿਵ ਮੰਦਰ ਬੰਸੀ ਨਗਰ ਅਤੇ ਬੰਸੀ ਨਗਰ ਵੈਲਫੇਅਰ ਸੁਸਾਇਟੀ ਵੱਲੋਂ ਇਕ ਵਿਸ਼ਾਲ ਰਾਗ ਸ਼ੋਭਾ ਯਾਤਰਾ ਕੱਢੀ ਗਈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੁਸਾਇਟੀ ਦੇ ਪ੍ਰਧਾਨ ਡਾ: ਰਮਨ ਘਈ ਅਤੇ ਸਕੱਤਰ ਜਗਦੀਸ਼ ਮਿਨਹਾਸ ਨੇ ਦੱਸਿਆ ਕਿ ਸ਼ੋਭਾ ਯਾਤਰਾ ਦੀ ਸ਼ੁਰੂਆਤ ਬੰਸੀ ਨਗਰ ਤੋਂ ਹੋਈ | ਜੋ ਰਿਸ਼ੀ ਨਗਰ, ਭਰਵਾਈ ਅੱਡਾ, ਰੇਲਵੇ ਰੋਡ, ਸੈਸ਼ਨ ਚੌਕ, ਸੁਤੈਹਰੀ ਰੋਡ, ਸਰਕਾਰੀ ਕਾਲਜ ਚੌਕ, ਫਗਵਾੜਾ ਰੋਡ, ਭਗਤ ਸਿੰਘ ਨਗਰ, ਸ਼ੰਕਰ ਨਗਰ, ਲਕਸ਼ਮੀ ਐਨਕਲੇਵ, ਮਾਊਂਟ ਐਵੀਨਿਊ ਤੋਂ ਹੁੰਦਾ ਹੋਇਆ ਸ਼ਿਵ ਮੰਦਰ ਬੰਸੀ ਨਗਰ ਵਿਖੇ ਵਿਸ਼ਰਾਮ ਕੀਤਾ। ਡਾ: ਘਈ ਨੇ ਸਮੂਹ ਇਲਾਕਾ ਨਿਵਾਸੀਆਂ ਦਾ ਸ਼ੋਭਾ ਯਾਤਰਾ ਵਿਚ ਉਤਸ਼ਾਹ ਨਾਲ ਭਗਵਾਨ ਸ਼ਿਵ ਦਾ ਗੁਣਗਾਨ ਕਰਨ ਲਈ ਧੰਨਵਾਦ ਕੀਤਾ | ਡਾ: ਘਈ ਨੇ ਕਿਹਾ ਕਿ ਅੱਜ ਸਮੇਂ ਦੀ ਲੋੜ ਹੈ ਕਿ ਅਸੀਂ ਸਾਰੇ ਸਨਾਤਨੀਆਂ ਨੂੰ ਅੱਗੇ ਆ ਕੇ ਆਪਣੇ ਧਾਰਮਿਕ ਤਿਉਹਾਰ ਮਨਾਉਣੇ ਚਾਹੀਦੇ ਹਨ ਤਾਂ ਜੋ ਆਉਣ ਵਾਲੇ ਨੌਜਵਾਨ ਆਪਣੇ ਧਰਮ ਪ੍ਰਤੀ ਜਾਗਰੂਕ ਹੋ ਕੇ ਦੇਸ਼ ਦੀ ਸੇਵਾ ਕਰ ਸਕਣ | ਇਸ ਦੌਰਾਨ ਵਿਸ਼ਾਲ ਸ਼ੋਭਾ ਯਾਤਰਾ ਦੇ ਰੂਟ ‘ਤੇ ਵੱਖ-ਵੱਖ ਸੰਸਥਾਵਾਂ ਅਤੇ ਸਮਾਜ ਸੇਵੀਆਂ ਵੱਲੋਂ ਸ਼ਰਧਾਲੂਆਂ ਲਈ ਲੰਗਰ ਲਗਾਏ ਗਏ, ਜਿਨ੍ਹਾਂ ਨੂੰ ਡਾ: ਘਈ ਅਤੇ ਉਨ੍ਹਾਂ ਦੇ ਸਾਥੀਆਂ ਵੱਲੋਂ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ | ਇਸ ਦੌਰਾਨ ਵੱਖ-ਵੱਖ ਸੰਕੀਰਤਨ ਮੰਡਲੀਆਂ ਅਤੇ ਟਰਾਲੀਆਂ ਵਿੱਚ ਬੈਠੀਆਂ ਬੀਬੀਆਂ ਸੰਕੀਰਤਨ ਜਥਿਆਂ ਨੇ ਭਗਵਾਨ ਸ਼ਿਵ ਦੇ ਨਾਮ ਦਾ ਗਾਇਨ ਕਰਕੇ ਮਾਹੌਲ ਨੂੰ ਸ਼ਿਵਮਈ ਬਣਾ ਦਿੱਤਾ। ਇਸ ਦੌਰਾਨ ਸੰਸਦ ਮੈਂਬਰ ਡਾ: ਰਾਜ ਕੁਮਾਰ ਅਤੇ ਸਾਬਕਾ ਸੰਸਦ ਮੈਂਬਰ ਅਵਿਨਾਸ਼ ਰਾਏ ਖੰਨਾ ਤੋਂ ਇਲਾਵਾ ਹੋਰ ਵੀ ਕਈ ਪਤਵੰਤੇ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ, ਜਿਨ੍ਹਾਂ ਨੇ ਭਗਵਾਨ ਸ਼ਿਵ ਦਾ ਆਸ਼ੀਰਵਾਦ ਲਿਆ ਅਤੇ ਸਭ ਨੂੰ ਮਹਾਸ਼ਿਵਰਾਤਰੀ ਦੀ ਵਧਾਈ ਦਿੱਤੀ | ਇਸ ਮੌਕੇ ਸੋਸਾਇਟੀ ਦੇ ਪ੍ਰਧਾਨ ਡਾ: ਰਮਨ ਘਈ, ਜਗਦੀਸ਼ ਮਿਨਹਾਸ, ਗੋਲਡੀ ਬਿੱਲਾ, ਡਾ: ਪੰਕਜ ਸ਼ਰਮਾ, ਮਨੋਜ ਸ਼ਰਮਾ, ਸੁਰਿੰਦਰ, ਸੰਦੀਪ ਸ਼ਰਮਾ, ਮਨਿੰਦਰ ਅਟਵਾਲ, ਗੌਰਵ ਵਾਲੀਆ, ਦੀਪਕ ਸ਼ਾਰਦਾ, ਡਾ: ਰਾਜ ਕੁਮਾਰ ਸੈਣੀ, ਗੌਰਵ ਸ਼ਰਮਾ, ਡਾ: ਵਸ਼ਿਸ਼ਟ ਕੁਮਾਰ, ਵਿੱਕੀ ਵਰਮਾ, ਵਰੁਣ ਸੰਧ ਸ਼ਰਮਾ, ਲੁਧਿਆਣਵੀ ਸ਼ਰਮਾ, ਲੁਧਿਆਣਵੀ ਸ਼ਰਮਾ ਤੋਂ ਇਲਾਵਾ ਡਾ. ਰਾਜਾ, ਬੰਸੀ ਮਹਿਲਾ ਸੰਕੀਰਤਨ ਮੰਡਲ ਦੀ ਤਰਫੋਂ ਸਿੰਮੀ ਕੋਹਲੀ, ਅਨੀਤਾ ਤਿਵਾਰੀ, ਰੀਤੂ ਘਈ, ਪ੍ਰਿਅੰਕਾ, ਸਲੋਚਨਾ, ਨੀਸ਼ਾ, ਰਾਕੇਸ਼, ਸੁਨੀਤਾ, ਜਿਸ ਵਿੱਚ ਬਿਕ੍ਰਾਂਤ, ਅਮਿਤ ਪਟਿਆਲ, ਜੀਵਨ ਕੁਮਾਰ, ਵਿਸ਼ਾਲ, ਮਨੀਸ਼, ਬਨੀ, ਕਾਕਾ, ਦੀਪਕ ਮਿਨਹਾਸ, ਟੀਨੂੰ, ਦੀਪਕ, ਅਨਿਲ ਸਿੰਘ, ਸੁਰਖਨ ਸ਼ਰਮਾ, ਮੌਨਵੀਰ ਸਿੰਘ, ਸੁਰਿਕਨ ਬੀ ਠਾਕੁਰ, ਪੰਡਿਤ ਜਗਨਨਾਥ, ਮਨੀਸ਼ਾ, ਚੰਚਲ, ਸੀਮਾ, ਗੰਗਾ, ਪ੍ਰੀਤ, ਪੂਜਾ, ਕਾਂਤਾ ਦੇਵੀ, ਆਰਤੀ, ਪ੍ਰਭਾ ਦੇਵੀ, ਪੰਕਜ ਅਤੇ ਇਲਾਕੇ ਦੇ ਬਹੁਤ ਸਾਰੇ ਸ਼ਿਵ ਭਗਤਾਂ ਨੇ ਸ਼ੋਭਾ ਯਾਤਰਾ ਵਿੱਚ ਸ਼ਮੂਲੀਅਤ ਕੀਤੀ ਅਤੇ ਪ੍ਰਭੂ ਦੀ ਮਹਿਮਾ ਦਾ ਗਾਇਨ ਕੀਤਾ।
