ਲੰਦਨ/ ਰੋਜ਼ਾਨਾਂ ਰਿਪੋਰਟਰ
ਲੰਦਨ ਵਿਖੇ ਹੋਏ ਭਾਰਤ ਇੰਗਲੈਂਡ ਹਾਕੀ ਮੈਚ ਵਿੱਚ ਦੋਵੇਂ ਟੀਮਾਂ ਨਿਰਧਾਰਤ ਸਮੇਂ ਤੱਕ ਕੋਈ ਵੀ ਗੋਲ ਨਹੀਂ ਕਰ ਸਕੀਆਂ ਅਤੇ ਸਕੋਰ 0-0 ਨਾਲ ਬਰਾਬਰ ਰਿਹਾ। ਇਸ ਤੋਂ ਬਾਅਦ ਹੋਏ ਪੈਨਲਟੀ ਸ਼ੂਟਆਊਟ ਵਿੱਚ ਭਾਰਤ ਨੇ ਸ਼ਾਨਦਾਰ ਖੇਡ ਦਿਖਾਉਂਦਿਆਂ ਬੋਨਸ ਅੰਕ ਆਪਣੇ ਨਾਮ ਕੀਤਾ।ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਹਾਕੀ ਪ੍ਰੋ ਲੀਗ ਦੇ ਮੁਕਾਬਲੇ ਵਿੱਚ ਇੰਗਲੈਂਡ ਨੂੰ ਪੈਨਲਟੀ ਸ਼ੂਟਆਊਟ ਵਿੱਚ 3-2 ਨਾਲ ਹਰਾ ਕੇ ਪਿਛਲੀ ਹਾਰ ਦਾ ਬਦਲਾ ਲੈ ਲਿਆ।ਪੈਨਲਟੀ ਸ਼ੂਟਆਊਟ ਵਿੱਚ ਭਾਰਤ ਵੱਲੋਂ ਅਭਿਸ਼ੇਕ, ਸ਼ਿਲਾਨੰਦ ਲਾਕੜਾ ਅਤੇ ਹਰਦਿਕ ਸਿੰਘ ਨੇ ਆਪਣੇ ਮੌਕੇ ਨੂੰ ਗੋਲ ਵਿੱਚ ਬਦਲਿਆ, ਜਿਸ ਨਾਲ ਟੀਮ ਨੇ ਦਬਾਅ ਦੇ ਬਾਵਜੂਦ 3-2 ਨਾਲ ਜਿੱਤ ਦਰਜ ਕੀਤੀ।ਮੈਚ ਦੀ ਸ਼ੁਰੂਆਤ ਵਿੱਚ ਇੰਗਲੈਂਡ ਨੇ ਹਮਲਾਵਰ ਖੇਡ ਦਿਖਾਈ ਅਤੇ ਯਸ਼ਦੀਪ ਸਿੰਘ ਵੱਲੋਂ ਸੈਮ ਵਾਰਡ ਨੂੰ ਰੋਕਣ ‘ਤੇ ਉਸ ਨੂੰ ਪੈਨਲਟੀ ਕਾਰਨਰ ਮਿਲਿਆ। ਭਾਰਤ ਦੇ ਗੋਲਕੀਪਰ ਮੋਹਿਤ ਸ਼ਸ਼ੀਕੁਮਾਰ ਨੇ ਸ਼ਾਨਦਾਰ ਡਬਲ ਸੇਵ ਕਰਕੇ ਪਹਿਲਾਂ ਵਾਰਡ ਅਤੇ ਫਿਰ ਸੈਨਫੋਰਡ ਨੂੰ ਗੋਲ ਕਰਨ ਤੋਂ ਰੋਕ ਦਿੱਤਾਪਹਿਲੇ ਕੁਆਰਟਰ ਵਿੱਚ ਭਾਰਤ ਲਈ ਸਭ ਤੋਂ ਵਧੀਆ ਮੌਕਾ ਅਭਿਸ਼ੇਕ ਨੂੰ ਮਿਲਿਆ ਪਰ ਇੰਗਲੈਂਡ ਨੇ ਗੇਂਦ ‘ਤੇ ਵੱਧ ਕਬਜ਼ਾ ਬਣਾਈ ਰੱਖਿਆ ਅਤੇ ਲਗਾਤਾਰ ਹਮਲੇ ਕੀਤੇ।
ਦੂਜੇ ਕੁਆਰਟਰ ਵਿੱਚ ਵੀ ਇੰਗਲੈਂਡ ਦਾ ਦਬਾਅ ਜਾਰੀ ਰਿਹਾ। ਆਖ਼ਰੀ ਕੁਆਰਟਰ ਵਿੱਚ ਇੰਗਲੈਂਡ ਨੇ ਲਗਾਤਾਰ ਦਬਾਅ ਬਣਾਈ ਰੱਖਿਆ ਪਰ ਭਾਰਤੀ ਗੋਲਕੀਪਰ ਸੰਜੇ ਕਰਕੇਰਾ ਨੇ ਕਈ ਸ਼ਾਨਦਾਰ ਬਚਾਅ ਕਰਕੇ ਟੀਮ ਨੂੰ ਗੋਲ ਖਾਣ ਤੋਂ ਬਚਾਇਆ। ਜਰਮਨਪ੍ਰੀਤ ਸਿੰਘ ਨੇ ਵੀ ਇੱਕ ਖ਼ਤਰਨਾਕ ਜਵਾਬੀ ਹਮਲੇ ਨੂੰ ਸਮੇਂ ਸਿਰ ਰੋਕ ਕੇ ਅਹਿਮ ਭੂਮਿਕਾ ਨਿਭਾਈ।
ਇਹ ਜਿੱਤ ਭਾਰਤ ਲਈ ਐੱਫਆਈਐੱਚ ਹਾਕੀ ਵਿਸ਼ਵ ਕੱਪ ਤੋਂ ਪਹਿਲਾਂ ਹਾਕੀ ਪ੍ਰੋ ਲੀਗ ਦਾ ਆਖ਼ਰੀ ਮੁਕਾਬਲਾ ਵੀ ਸੀ।
ਮੈਚ ਦੇ ਆਖ਼ਰੀ ਮਿੰਟਾਂ ਵਿੱਚ ਇੰਗਲੈਂਡ ਨੂੰ ਇੱਕ ਹੋਰ ਪੈਨਲਟੀ ਕਾਰਨਰ ਮਿਲਿਆ ਪਰ ਕਰਕੇਰਾ ਨੇ ਫਿਰ ਸ਼ਾਨਦਾਰ ਸੇਵ ਕਰ ਦਿੱਤੀ। ਨਿਰਧਾਰਤ ਸਮੇਂ ਵਿੱਚ ਸਿਰਫ਼ ਦੋ ਸਕਿੰਟ ਬਾਕੀ ਰਹਿੰਦੇ ਇੰਗਲੈਂਡ ਨੂੰ ਇੱਕ ਹੋਰ ਪੈਨਲਟੀ ਕਾਰਨਰ ਦਿੱਤਾ ਗਿਆ ਪਰ ਭਾਰਤ ਨੇ ਵੀਡੀਓ ਰੈਫਰਲ ਲਿਆ ਅਤੇ ਇਹ ਫ਼ੈਸਲਾ ਵੀ ਬਦਲ ਦਿੱਤਾ ਗਿਆ। ਇਸ ਤਰ੍ਹਾਂ ਮੈਚ 0-0 ਨਾਲ ਸਮਾਪਤ ਹੋਇਆ।ਪੈਨਲਟੀ ਸ਼ੂਟਆਊਟ ਵਿੱਚ ਭਾਰਤੀ ਖਿਡਾਰੀਆਂ ਨੇ ਪੂਰਾ ਸੰਜਮ ਦਿਖਾਇਆ ਅਤੇ 3-2 ਨਾਲ ਜਿੱਤ ਦਰਜ ਕਰਕੇ ਬੋਨਸ ਅੰਕ ਵੀ ਹਾਸਲ ਕੀਤਾ।
ਮੈਚ ਵਿੱਚ ਮਜ਼ਬੂਤ ਰੱਖਿਆ ਪ੍ਰਦਰਸ਼ਨ ਕਰਨ ਵਾਲੇ ਡਿਫੈਂਡਰ ਸੰਜੈ ਨੂੰ ਪਲੇਅਰ ਆਫ਼ ਦਿ ਮੈਚ ਚੁਣਿਆ ਗਿਆ। ਗੋਲਕੀਪਰ ਮੋਹਿਤ ਸ਼ਸ਼ੀਕੁਮਾਰ ਅਤੇ ਸੰਜੈ ਕਰਕੇਰਾ ਨੇ ਵੀ ਪੂਰੇ ਮੈਚ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਇੰਗਲੈਂਡ ਨੂੰ ਗੋਲ ਕਰਨ ਦਾ ਕੋਈ ਮੌਕਾ ਨਹੀਂ ਦਿੱਤਾ।
ਇਹ ਜਿੱਤ ਭਾਰਤ ਲਈ ਐੱਫਆਈਐੱਚ ਹਾਕੀ ਵਿਸ਼ਵ ਕੱਪ ਤੋਂ ਪਹਿਲਾਂ ਹਾਕੀ ਪ੍ਰੋ ਲੀਗ ਦਾ ਆਖ਼ਰੀ ਮੁਕਾਬਲਾ ਵੀ ਸੀ
