ਸੰਗਰੂਰ/ ਰੋਜ਼ਾਨਾ ਰਿਪੋਰਟਰ
ਸਾਰ
ਸੰਗਰੂਰ ਵਿਆਹ ਦਾ ਖਾਣਾ ਖਾਣ ਤੋਂ ਬਾਅਦ ਲੋਕ ਕਾਫੀ ਬੀਮਾਰ ਹੋ ਗਏ। ਇਨ੍ਹਾਂ ’ਚ ਬੱਚੇ ਵੀ ਸ਼ਾਮਲ ਹਨ।ਦੱਸ ਦਈਏ ਕਿ ਵਿਆਹ ਸਮਾਗਮ ’ਚ ਖਾਣਾ ਖਾਣ ਵਾਲੇ ਹਰ ਵਿਅਕਤੀ ਨੂੰ ਅਚਾਨਕ ਉਲਟੀਆਂ ਅਤੇ ਦਸਤ ਹੋਣ ਲੱਗ ਪਏ। ਕੁਝ ਨੂੰ ਬਾਅਦ ਵਿੱਚ ਸਰਕਾਰੀ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ,
ਵਿਸਤਾਰ
ਸੰਗਰੂਰ ਵਿਆਹ ਸਮਾਗਮ ’ਚ ਖਾਣਾ ਖਾਣ ਵਾਲੇ ਹਰ ਵਿਅਕਤੀ ਨੂੰ ਅਚਾਨਕ ਉਲਟੀਆਂ ਅਤੇ ਦਸਤ ਹੋਣ ਲੱਗ ਪਏ। ਕੁਝ ਨੂੰ ਬਾਅਦ ਵਿੱਚ ਸਰਕਾਰੀ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ, ਜਦਕਿ ਕੁਝ ਨੂੰ ਨਿੱਜੀ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ ਸੰਗਰੂਰ ਵਿੱਚ, ਇੱਕ ਵਿਆਹ ਸਮਾਰੋਹ ਵਿੱਚ ਖਾਣਾ ਖਾਣ ਤੋਂ ਬਾਅਦ 250 ਦੇ ਕਰੀਬ ਲੋਕਾਂ ਦੇ ਬੀਮਾਰ ਹੋ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਖਾਣਾ ਖਾਣ ਤੋਂ ਬਾਅਦ ਲੋਕ ਕਾਫੀ ਬੀਮਾਰ ਹੋ ਗਏ। ਇਨ੍ਹਾਂ ’ਚ ਬੱਚੇ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਕੁਝ ਲੋਕਾਂ ਨੂੰ ਹਰਿਆਣਾ ਲਿਜਾਇਆ ਗਿਆ।ਦੱਸ ਦਈਏ ਕਿ ਇਹ ਘਟਨਾ ਮੂਣਕ ਸ਼ਹਿਰ ਤੋਂ ਸਾਹਮਣੇ ਆਈ ਹੈ, ਜਿੱਥੇ ਮੰਗਲਵਾਰ ਦੁਪਹਿਰ ਨੂੰ ਸਥਾਨਕ ਧਰਮਸ਼ਾਲਾ ਵਿੱਚ ਵਿਆਹ ਸਮਾਗਮ ਆਯੋਜਿਤ ਕੀਤਾ ਗਿਆ ਸੀ।
ਵਿਆਹ ਵਿੱਚ ਆਏ ਲਗਭਗ 250 ਦੇ ਕਰੀਬ ਲੋਕ ਹੋਏ ਬੀਮਾਰ
ਅਧਿਕਾਰੀਆਂ ਅਤੇ ਸਥਾਨਕ ਨਿਵਾਸੀਆਂ ਦੇ ਅਨੁਸਾਰ, ਸਮਾਗਮ ਵਿੱਚ ਆਏ ਮਹਿਮਾਨਾਂ ਨੂੰ ਸਮਾਗਮ ਵਿੱਚ ਪਰੋਸਿਆ ਗਿਆ ਭੋਜਨ ਖਾਣ ਤੋਂ ਥੋੜ੍ਹੀ ਦੇਰ ਬਾਅਦ ਉਲਟੀਆਂ, ਦਸਤ ਅਤੇ ਪੇਟ ਨਾਲ ਸਬੰਧਤ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ।ਜਿਵੇਂ ਹੀ ਮਰੀਜ਼ਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧੀ, ਕਈ ਪ੍ਰਭਾਵਿਤ ਮਹਿਮਾਨਾਂ ਨੂੰ ਮੂਣਕ ਦੇ ਸਿਵਲ ਹਸਪਤਾਲ ਲਿਜਾਇਆ ਗਿਆ, ਜਦੋਂ ਕਿ ਕਈਆਂ ਨੂੰ ਪੰਜਾਬ ਅਤੇ ਗੁਆਂਢੀ ਹਰਿਆਣਾ ਦੇ ਨਿੱਜੀ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ। ਜਾਣਕਾਰੀ ਅਨੁਸਾਰ, ਮੂਨਕ ਦੇ ਸਰਕਾਰੀ ਹਸਪਤਾਲ ਵਿੱਚ ਮਰੀਜ਼ਾਂ ਦੀ ਭਾਰੀ ਭੀੜ ਦੇਖੀ ਗਈ, ਜਿਸ ਕਾਰਨ ਮੈਡੀਕਲ ਸਟਾਫ ਨੂੰ ਬਿਸਤਰੇ ਪੂਰੀ ਤਰ੍ਹਾਂ ਭਰ ਜਾਣ ਤੋਂ ਬਾਅਦ ਫਰਸ਼ ‘ਤੇ ਗੱਦੇ ਦਾ ਪ੍ਰਬੰਧ ਕਰਨ ਲਈ ਮਜਬੂਰ ਹੋਣਾ ਪਿਆ। ਡਾਕਟਰਾਂ ਅਤੇ ਪੈਰਾ ਮੈਡੀਕਲ ਟੀਮਾਂ ਨੇ ਰਾਤ ਭਰ ਇਲਾਜ ਜਾਰੀ ਰੱਖਿਆ, ਕਿਉਂਕਿ ਲਗਾਤਾਰ ਮਰੀਜ਼ਾਂ ਦੀ ਗਿਣਤੀ ਵਧਦੀ ਜਾ ਰਹੀ ਸੀ।
ਪੰਜਾਬ ਸਰਕਾਰ ਦੀ ਸਿਹਤ ਕ੍ਰਾਂਤੀ ਦੇ ਦਾਅਵਿਆਂ ਦਾ ਨਿਕਲਿਆ ਜਲੂਸ, ਸਰਕਾਰੀ ਹਸਪਤਾਲਾਂ ਦੀ ਵੀ ਖੁੱਲ੍ਹੀ ਪੋਲ
ਦਰਅਸਲ ਸਰਕਾਰੀ ਹਸਪਤਾਲ ’ਚ ਸੁਵਿਧਾ ਦੀ ਘਾਟ ਹੋਣ ਦੇ ਚੱਲਦੇ ਇੱਕ ਬੈੱਡ ’ਤੇ ਕਈ ਕਈ ਮਰੀਜ਼ਾਂ ਨੂੰ ਲਿਟਾਉਣਾ ਪਿਆ। ਨਾਲ ਹੀ ਸਿਹਤ ਸਬੰਧੀ ਬੀਮਾਰੀਆਂ ਹੋਣ ਦੇ ਚੱਲਦੇ ਹਸਪਤਾਲ ’ਚ ਬਾਥਰੂਮ ਬਿਲਕੁੱਲ ਵੀ ਸਾਫ ਨਹੀਂ ਸੀ
