ਏਬੀਸੀ ਮੈਜਿਕਲ ਵਰਲਡ ਪ੍ਰੀ-ਸਕੂਲ ਵੱਲੋਂ ਚਾਰ ਸਾਹਿਬਜ਼ਾਦਿਆਂ ਅਤੇ ਮਾਤਾ ਗੁਜਰੀ ਜੀ ਦੀ ਸ਼ਹਾਦਤ ਨੂੰ ਯਾਦ ਵਿਚ ਲਗਾਇਆ ਗਿਆ ਪੰਜ ਦਿਨ ਲੰਗਰ
ਲੁਧਿਆਣਾ : 27 ਦਸੰਬਰ : ਪੱਤਰਕਾਰ ਰਾਹੁਲ ਸ਼ਰਮਾ / ਕਸ਼ਿਸ਼ ਬਾਂਸਲ : ਏਬੀਸੀ ਮੈਜਿਕਲ ਵਰਲਡ ਪ੍ਰੀ-ਸਕੂਲ ਵੱਲੋਂ ਪਿਛਲੇ ਪੰਜ ਦਿਨਾਂ ਤੋਂ ਚਾਰ ਸਾਹਿਬਜ਼ਾਦਿਆਂ ਅਤੇ ਮਾਤਾ ਗੁਜਰੀ ਜੀ ਦੀ ਸ਼ਹਾਦਤ ਨੂੰ ਯਾਦ ਕਰਦੇ ਹੋਏ ਰੋਜ਼ਾਨਾ ਚਾਹ ਦੀ ਸੇਵਾ ਲਗਾਈ ਗਈ । ਇਹ ਸਿਰਫ਼ ਇੱਕ ਸੇਵਾ ਨਹੀਂ, ਸਗੋਂ ਇੱਕ ਨਿਮਰ ਯਾਦ ਹੈ ਉਹਨਾਂ ਮਹਾਨ ਕੁਰਬਾਨੀਆਂ ਦੀ ਜੋ ਸਾਡੇ ਗੁਰੂਆਂ ਨੇ ਧਰਮ, ਸੱਚ ਅਤੇ ਇਨਸਾਨੀਅਤ ਦੀ ਰੱਖਿਆ ਲਈ ਦਿੱਤੀਆਂ। ਛੋਟੀ ਉਮਰ ਵਿੱਚ ਵੀ ਸਾਹਿਬਜ਼ਾਦਿਆਂ ਨੇ ਜ਼ੁਲਮ ਅੱਗੇ ਸਿਰ ਨਹੀਂ ਝੁਕਾਇਆ, ਅਤੇ ਮਾਤਾ ਗੁਜਰੀ ਜੀ ਨੇ ਅਕਾਲ ਪੁਰਖ ’ਤੇ ਅਟੱਲ ਭਰੋਸਾ ਰੱਖਿਆ। ਇਹ ਕੁਰਬਾਨੀਆਂ ਸਾਨੂੰ ਸਿਖਾਉਂਦੀਆਂ ਨੇ ਕਿ ਸੱਚ ਦਾ ਰਸਤਾ ਔਖਾ ਹੋ ਸਕਦਾ ਹੈ, ਪਰ ਓਹੀ ਸਹੀ ਹੁੰਦਾ ਹੈ। ਇਸੇ ਲਈ ਸੇਵਾ ਲਗਾਉਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਸੇਵਾ ਸਾਨੂੰ ਨਿਮਰ ਬਣਾਉਂਦੀ ਹੈ, ਸਾਨੂੰ ਆਪਣੇ ਗੁਰੂਆਂ ਨਾਲ ਜੋੜਦੀ ਹੈ ਅਤੇ ਅੰਦਰੋਂ ਚੰਗਾ ਇਨਸਾਨ ਬਣਨ ਦੀ ਪ੍ਰੇਰਣਾ ਦਿੰਦੀ ਹੈ। ਸੇਵਾ ਰਾਹੀਂ ਅਸੀਂ ਬੱਚਿਆਂ ਨੂੰ ਵੀ ਇਹ ਸਿਖਾਉਂਦੇ ਹਾਂ ਕਿ ਸਿੱਖੀ ਸਿਰਫ਼ ਕਹਿਣ ਦੀ ਨਹੀਂ, ਸਗੋਂ ਜੀਣ ਦੀ ਰਾਹ ਹੈ। ਆਓ, ਅਸੀਂ ਸਾਰੇ ਮਿਲ ਕੇ ਇਹ ਸੰਕਲਪ ਲਈਏ ਕਿ ਆਪਣੇ ਗੁਰੂਆਂ ਦੀਆਂ ਮਹਾਨ ਕੁਰਬਾਨੀਆਂ ਨੂੰ ਸਿਰਫ਼ ਯਾਦ ਹੀ ਨਹੀਂ ਕਰਾਂਗੇ, ਬਲਕਿ ਉਹਨਾਂ ਦੇ ਦਰਸਾਏ ਰਾਹ ’ਤੇ ਵੀ ਚਲਾਂਗੇ — ਸੱਚ, ਸੇਵਾ, ਹਿੰਮਤ ਅਤੇ ਪਿਆਰ ਦੇ ਨਾਲ।
