ਗ੍ਰੇਟ ਸਪੋਰਟਜ਼ ਐਂਡ ਕਲਚਰਲ ਕਲੱਬ ਇੰਡੀਆ ਦੀ ਅਹਿਮ ਮੀਟਿੰਗ ਦਾ ਸੱਫਲ ਅਯੋਜਨ
ਐਨ .ਆਰ.ੲਈ . ਵਿੰਗ ਦੇ ਕੁਲਦੀਪ ਚਾਹਲ -ਪ੍ਰਧਾਨ ਤੇ ਕੁਲਵੰਤ ਰਾਏ -ਸਲਾਹਕਾਰ ਬਣਾਏ ਗਏ =ਸੂਬਾ ਪ੍ਰਧਾਨ ਇੱਕਬਾਲ ਸਿੰਘ ਰੰਧਾਵਾ
ਜਲੰਧਰ ਮਕਸੂਦਾ 13ਜੁਲਾਈ 25 (Sunil Kumar)ਗ੍ਰੇਟ ਸਪੋਰਟਜ਼ ਐਂਡ ਕਲਚਰਲ ਕਲੱਬ (ਇੰਡੀਆ) ਵਲੋਂ 9ਵੇਂ ਰਾਸ਼ਟਰੀ ਸਨਮਾਨ ਸਮਾਰੋਹ ਦੇ ਸੱਫਲ ਅਯੋਜਨ ਲਈ ਅਹਿਮ ਮੀਟਿੰਗ ਹੋਈ।
ਕਲੱਬ ਦੇ ਫਾਉਂਡਰ ਰਾਸ਼ਟਰੀ ਪ੍ਰਧਾਨ ਨਵਦੀਪ ਸਿੰਘ ਦੀ ਰਹਿਨੁਮਾਈ ਵਿਚ ਹੋਈ ਮੀਟਿੰਗ ਵਿਚ ਖੇਡ , ਸਿਖਿਆ, ਸਭਿਆਚਾਰਕ ਤੇ ਸਮਾਜ ਸੇਵੀ ਖੇਤਰ ਨਾਲ ਜੁੜੀਆਂ ਅਹਿਮ ਸ਼ਖ਼ਸੀਅਤਾਂ ਵਲੋਂ ਸ਼ਿਰਕਤ ਕੀਤੀ ਗਈ।
ਕਲੱਬ ਦੇ ਕੌਮੀ ਕਮੇਟੀ ਦੇ ਪੀ.ਆਰ.ਓ ਅਮਰਿੰਦਰ ਜੀਤ ਸਿੰਘ ਸਿੱਧੂ ਵਲੋਂ ਆਏ ਸੱਜਣਾਂ ਦਾ ਧੰਨਵਾਦ ਕਰਦਿਆਂ ਕਲੱਬ ਦੇ ਮਨਸੂਬਿਆਂ ਬਾਰੇ ਨਵੇਂ ਜੁੜੇ ਸਾਥੀਆਂ ਨੂੰ ਵੀ ਅਗਾਹ ਕਰ ਕੀਤੇ ਕੰਮਾਂ ਬਾਰੇ ਚਾਨਣਾ ਪਾਇਆ ਗਿਆ।
ਇਸ ਮੌਕੇ ਕਲੱਬ ਦੇ ਕੌਮੀ ਕਮੇਟੀ ਦੇ ਵਾਈਸ ਚੇਅਰਮੈਨ ਭਗਵੰਤ ਸਿੰਘ ਵਲੋਂ ਸਾਰੇ ਸੱਜਣਾਂ ਦੀ ਸਹਿਮਤੀ ਨਾਲ ਕਲੱਬ ਦੇ ਸੀ.ਮੀਤ ਪ੍ਰਧਾਨ ਕੁਲਦੀਪ ਸਿੰਘ ਚਾਹਲ (ਯੂ.ਕੇ)ਨੂੰ ਐਨ.ਆਰ.ਆਈ ਵਿੰਗ ਦੇ ਪ੍ਰਧਾਨ, ਕੁਲਵੰਤ ਰਾਏ (ਸਾਬਕਾ ਏ.ਆਈ.ਜੀ.) ਨੂੰ ਸਲਾਹਕਾਰ ਵਜੋਂ ਜੁਮੇਵਾਰੀ ਦੇ ਕਲੱਬ ਦੀ ਪ੍ਰਫੁੱਲਤਾ ਲਈ ਜੋੜਿਆ ਗਿਆ। ਜਦ ਕਿ ਪ੍ਰਿੰਸੀਪਲ ਡਾਕਟਰ ਗੁਰਨਾਮ ਸਿੰਘ ਰਸੂਲਪੁਰ ਨੂੰ ਕਲੱਬ ਦੇ ਮੁੱਖ ਸਲਾਹਕਾਰ ਵਜੋਂ ਮਾਣ ਬਖਸ਼ਣ ਦੀ ਘੋਸ਼ਣਾ ਵੀ ਕੀਤੀ ਗਈ ।
ਕਲੱਬ ਦੇ ਨਵ-ਨਿਯੁਕਤ ਐਨ ਆਰ ਆਈ ਵਿੰਗ ਪ੍ਰਧਾਨ ਚਾਹਲ ਵਲੋਂ ਕਲੱਬ ਵਲੋਂ ਲਗਾਈ ਨਵੀਂ ਜੁਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਉਣ ਦਾ ਵਿਸ਼ਵਾਸ ਦਿਵਾਉਦੇ ਦਿਤੇ ਮਾਣ ਲਈ ਧੰਨਵਾਦ ਕੀਤਾ ਗਿਆ।
ਮੀਟਿੰਗ ਦੇ ਅੰਤ ਵਿਚ ਕਲੱਬ ਦੇ ਸੂਬਾ ਪ੍ਰਧਾਨ ਇਕਬਾਲ ਸਿੰਘ ਰੰਧਾਵਾ ਵਲੋਂ ਮੀਟਿੰਗ ਦੇ ਸੱਫਲ ਅਯੋਜਨ ਲਈ ਆਪਦੇ ਰੁਝੇਵਿਆਂ ਚੋਂ ਕੀਮਤੀ ਸਮਾਂ ਕੱਢਕੇ ਕਲੱਬ ਨਾਲ ਨਵੇਂ ਜੁੜੇ ਸੱਜਣਾਂ, ਮੌਜੂਦ ਖੇਡ ਪ੍ਰੇਮੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ।
ਜ਼ਿਕਰਯੋਗ ਹੈ ਕਿ ਇਸ ਮੌਕੇ ਕਲੱਬ ਸਕੱਤਰ ਰਾਜੀਵ ਕੁਮਾਰ, ਉਪ ਚੇਅਰਮੈਨ ਸਰਬਜੀਤ ਸਿੰਘ, ਕਮਲਜੀਤ ਸਿੰਘ, ਜਾਇੰਟ ਸਕੱਤਰ ਗੁਰਚਰਨ ਸਿੰਘ, ਉਘੇ ਖੇਡ ਪ੍ਰਮੋਟਰ ਤੇ ਲੇਖਕ ਜਤਿੰਦਰ ਸਿੰਘ ਸਾਬੀ , ਅਵਤਾਰ ਸਿੰਘ ਕਾਨਗੋ , ਸਤਪਾਲ ਸਿੰਘ ਤੇ ਹੋਰ ਨਾਮਵਰ ਸ਼ਖ਼ਸੀਅਤਾਂ ਵੀ ਹਾਜ਼ਰ ਸਨ।
