Love marriage:ਹਰਿਆਣਾ ਜ਼ਿਲ੍ਹੇ ਦੀ ਰਹਿਣ ਵਾਲੀ 19 ਸਾਲਾਂ ਕਨਿਕਾ ਨੇ ਕਰਵਾਇਆ ਆਪਣੇ ਪਿਤਾ ਦੇ 43 ਸਾਲਾਂ ਦੋਸਤ ਨਾਲ ਵਿਆਹ, ਪਿਤਾ ਨੇ ਕੀਤਾ ਧੀ ਦਾ ਕਤਲ
ਹਰਿਆਣਾ / ਬਿਊਰੋ
ਹਰਿਆਣਾ ਦੇ ਸੋਨੀਪਤ ਜ਼ਿਲ੍ਹੇ ਦੇ ਪਿੰਡ ਮੁਕੀਨਪੁਰ ਦੀ ਰਹਿਣ ਵਾਲੀ 18 ਸਾਲਾ ਕਨਿਕਾ ਨੇ ਆਪਣੇ ਹੀ ਪਿੰਡ ਦੇ ਅਤੇ ਆਪਣੇ ਪਿਤਾ ਦੇ ਦੋਸਤ 43 ਸਾਲਾ ਵੇਦਪ੍ਰਕਾਸ਼ ਨਾਲ ਪ੍ਰੇਮ ਵਿਆਹ ਕਰਵਾ ਲਿਆ ਸੀ।
ਦੋਵਾਂ ਨੇ 24 ਨਵੰਬਰ 2020 ਨੂੰ ਉੱਤਰ ਪ੍ਰਦੇਸ਼ ਦੇ ਮੇਰਠ ਵਿੱਚ ਇੱਕ ਆਰਿਆ ਸਮਾਜ ਮੰਦਰ ਵਿੱਚ ਵਿਆਹ ਕੀਤਾ। ਉਮਰ ਦੇ ਵੱਡੇ ਫ਼ਰਕ ਅਤੇ ਪਰਿਵਾਰ ਦੀ ਮਰਜ਼ੀ ਦੇ ਖ਼ਿਲਾਫ਼ ਹੋਣ ਕਾਰਨ ਕਨਿਕਾ ਦੇ ਪਿਤਾ ਵਿਜਯਪਾਲ ਅਤੇ ਉਸਦਾ ਪਰਿਵਾਰ ਇਸ ਰਿਸ਼ਤੇ ਤੋਂ ਬਹੁਤ ਜ਼ਿਆਦਾ ਗੁੱਸੇ ਵਿੱਚ ਸਨ।
ਵਿਆਹ ਤੋਂ ਕੁਝ ਮਹੀਨਿਆਂ ਬਾਅਦ, 28 ਜੁਲਾਈ 2021 ਨੂੰ, ਪਿਤਾ ਵਿਜਯਪਾਲ ਨੇ ਸਾਜ਼ਿਸ਼ ਤਹਿਤ ਆਪਣੀ ਧੀ ਕਨਿਕਾ ਨੂੰ ਮਿਲਣ ਲਈ ਬੁਲਾਇਆ। ਰਸਤੇ ਵਿੱਚ ਉਸਨੇ ਕਥਿਤ ਤੌਰ ‘ਤੇ ਕਨਿਕਾ ਦਾ ਗਲਾ ਘੁੱਟ ਕੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਅਤੇ ਉਸਦੀ ਲਾਸ਼ ਨੂੰ ਸਾਖੌਤੀ (ਮੇਰਠ) ਦੇ ਕੋਲ ਗੰਗ ਨਹਿਰ ਵਿੱਚ ਸੁੱਟ ਦਿੱਤਾ। ਇਸ ਸਬੰਧੀ ਰਾਈ (Rai) ਥਾਣੇ ਵਿੱਚ ਕਤਲ ਦਾ ਮੁਕੱਦਮਾ ਦਰਜ ਕੀਤਾ ਗਿਆ
ਕਨਿਕਾ ਦੇ ਕਤਲ ਕੇਸ ਵਿੱਚ ਉਸਦਾ ਪਤੀ ਵੇਦਪ੍ਰਕਾਸ਼ ਮੁੱਖ ਗਵਾਹ ਅਤੇ ਸ਼ਿਕਾਇਤਕਰਤਾ ਸੀ।
22 ਅਪ੍ਰੈਲ 2022 ਨੂੰ, ਜਦੋਂ ਵੇਦਪ੍ਰਕਾਸ਼ ਇਸੇ ਕੇਸ ਵਿੱਚ ਆਪਣੀ ਗਵਾਹੀ (ਬਿਆਨ) ਦਰਜ ਕਰਵਾਉਣ ਲਈ ਸੋਨੀਪਤ ਜ਼ਿਲ੍ਹਾ ਅਦਾਲਤ (Court Complex) ਪਹੁੰਚਿਆ, ਤਾਂ ਵਕੀਲਾਂ ਦੇ ਚੈਂਬਰ ਨੰਬਰ 207 ਦੇ ਬਾਹਰ ਦੋ ਬਾਈਕ ਸਵਾਰ ਹਮਲਾਵਰਾਂ ਨੇ ਦਿਨ-ਦਿਹਾੜੇ ਉਸਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ। ਹਮਲਾਵਰ ਵੇਦਪ੍ਰਕਾਸ਼ ਨੂੰ ਗਵਾਹੀ ਦੇਣ ਤੋਂ ਰੋਕਣਾ ਚਾਹੁੰਦੇ ਸਨ।
ਕਨਿਕਾ ਦੇ ਕਤਲ ਦੇ ਕੇਸ ਦੀ ਸੁਣਵਾਈ ਕਰਦਿਆਂ ਸੋਨੀਪਤ ਦੇ ਵਧੀਕ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਡਾ. ਜਸਬੀਰ ਸਿੰਘ ਦੀ ਫਾਸਟ ਟ੍ਰੈਕ ਅਦਾਲਤ ਨੇ 24 ਸਤੰਬਰ 2026 ਨੂੰ ਆਪਣਾ ਫ਼ੈਸਲਾ ਸੁਣਾਇਆ। ਅਦਾਲਤ ਨੇ ਪਿਤਾ ਵਿਜਯਪਾਲ ਨੂੰ ਆਪਣੀ ਹੀ ਧੀ ਦੇ ਕਤਲ ਦਾ ਦੋਸ਼ੀ ਮੰਨਦਿਆਂ ਉਮਰਕੈਦ ਅਤੇ 1.75 ਲੱਖ ਰੁਪਏ ਜੁਰਮਾਨੇ ਦੀ ਸਜ਼ਾ ਸੁਣਾਈ।
