ਹੁਸ਼ਿਆਰਪੁਰ ਫੋਕਸ ਅਖਬਾਰ ਜ਼ੁਲਮ ਅਤੇ ਬੇਇਨਸਾਫ਼ੀ ਦੇ ਸ਼ਿਕਾਰ ਲੋਕਾਂ ਦੀ ਆਵਾਜ਼ ਬਣ ਕੇ ਪਾਠਕਾਂ ਦੀ ਆਵਾਜ ਬਣ ਰਹੀ ਹੈ : ਸੁਖਵਿੰਦਰ /ਇੰਦਰਜੀਤ
*ਇਲਾਕੇ ਵਿੱਚ ਸਮਾਜਿਕ, ਧਾਰਮਿਕ ਅਤੇ ਰਾਜਨੀਤਿਕ ਲੋਕ ਅਖਬਾਰ ਦੀ ਕਰ ਰਹੇ ਹਨ ਤਰੀਫ ।
ਹੁਸ਼ਿਆਰਪੁਰ 5 ਸਤੰਬਰ (ਤਰਸੇਮ ਦੀਵਾਨਾ) ਜਦੋਂ ਤੋਂ ਹੁਸ਼ਿਆਰਪੁਰ ਫੋਕਸ ਅਖਬਾਰ ਮਾਰਕੀਟ ਵਿੱਚ ਆਇਆ ਹੈ, ਇਹ ਇਲਾਕੇ ਦੇ ਦੱਬੇ-ਕੁਚਲੇ ਲੋਕਾਂ ਅਤੇ ਬੇਇਨਸਾਫੀ ਤੋਂ ਪੀੜਤ ਲੋਕਾਂ ਦੀ ਅਵਾਜ਼ ਬੁਲੰਦ ਕਰਦਾ ਆ ਰਿਹਾ ਹੈ ਅਤੇ ਸਰਕਾਰ ਵਿੱਚ ਇਹਨਾਂ ਲੋਕਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਹਰ ਸੰਭਵ ਯਤਨ ਕਰ ਰਿਹਾ ਹੈ। , ਇਸ ਲਈ ਲੋਕ ਇਸ ਤੱਕ ਬਹੁਤ ਜਲਦੀ ਪਹੁੰਚ ਕਰਦੇ ਹਨ ਅਤੇ ਇਸ ਅਖਬਾਰ ਦੇ ਪੱਤਰਕਾਰ ਵੀ ਜਲਦੀ ਹੀ ਮੌਕੇ ‘ਤੇ ਪਹੁੰਚ ਜਾਂਦੇ ਹਨ, ਜਿਸ ਕਾਰਨ ਅਖਬਾਰ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ‘ਤੇ ਵੀ ਲੋਕਾਂ ਨੂੰ ਚੰਗੀ ਥਾਂ ਮਿਲਦੀ ਹੈ ਇਸ ਅਖਬਾਰ ਦੇ ਪੱਤਰਕਾਰ ਮੌਕੇ ‘ਤੇ ਜਾ ਕੇ ਲੋਕਾਂ ਨੂੰ ਘਟਨਾ ਦੀ ਸਹੀ ਜਾਣਕਾਰੀ ਦਿੰਦੇ ਹਨ, ਅਖਬਾਰ ਦੇ ਸ਼ੁਰੂ ਹੋਣ ਤੋਂ ਬਾਅਦ ਅਪਰਾਧਿਕ ਕਿਸਮ ਦੇ ਲੋਕਾਂ ਅਤੇ ਝੂਠ ਫੈਲਾਉਣ ਵਾਲੇ ਸ਼ਰਾਰਤੀ ਅਨਸਰਾਂ ‘ਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ । ਇਸ ਕਰਕੇ ਸਮਾਜਿਕ, ਰਾਜਨੀਤਿਕ ਅਤੇ ਧਾਰਮਿਕ ਸ਼ਖਸੀਅਤਾਂ ਵੀ ਇਸ ਅਖਬਾਰ ਦੀ ਪ੍ਰਸ਼ੰਸਾ ਕਰ ਰਹੀਆਂ ਹਨ। ਤਹਿਸੀਲ ਪੱਧਰੀ ਸਰਕਾਰੀ ਸਮਾਗਮ ਵਿੱਚ ਨੀਰਜ ਗੋਇਲ ਉਪ ਮੰਡਲ ਜੁਡੀਸ਼ੀਅਲ ਮੈਜਿਸਟਰੇਟ, ਰਾਜਿੰਦਰ ਤੇਜੀ ਜੁਡੀਸ਼ੀਅਲ ਮੈਜਿਸਟਰੇਟ, ਨਿਆਂਪਾਲਿਕਾ ਵਲੋਂ ਮਿਸ ਆਰਤੀ ਸ਼ਰਮਾ ਜੁਡੀਸ਼ੀਅਲ ਮੈਜਿਸਟਰੇਟ ਅਤੇ ਕਾਰਜਕਾਰੀ ਪੱਖ ਤੋਂ ਐਸ.ਡੀ.ਐਮ ਅਸ਼ੋਕ ਕੁਮਾਰ ਅਤੇ ਵਿਧਾਨਕਾਰ ਪੱਖ ਤੋਂ ਪਤਵੰਤੇ ਆਗੂ ਹਾਜ਼ਰ ਸਨ। ਲੋਕਤੰਤਰ ਦਿਵਸ ਦੇ ਸ਼ੁਭ ਮੌਕੇ ‘ਤੇ ਮੰਚ ‘ਤੇ ਮੌਜੂਦ ਤਿੰਨੋਂ ਥੰਮ੍ਹ ਮੌਜੂਦ ਸਨ, ਜਿਨ੍ਹਾਂ ਨੇ ਇਸ ਸ਼ੁਭ ਮੌਕੇ ‘ਤੇ ਲੋਕਤੰਤਰ ਦੇ ਚੌਥੇ ਥੰਮ ਵਜੋਂ ਉਭਰੇ ਹੁਸ਼ਿਆਰਪੁਰ ਫੋਕਸ ਅਖਬਾਰ ਦੀ ਪ੍ਰਸ਼ੰਸਾ ਕੀਤੀ ਅਤੇ ਅਖਬਾਰ ਦਾ ਮਾਣ ਵਧਾਇਆ। ਇਸ ਮੌਕੇ ਅਖਬਾਰ ਦੇ ਮੁੱਖ ਸੰਪਾਦਕ ਸੁਖਵਿੰਦਰ ਸਿੰਘ ਅਤੇ ਸੰਪਾਦਕ ਇੰਦਰਜੀਤ ਵਰਕਿਆ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਸਾਡਾ ਅਖਬਾਰ ਹਮੇਸ਼ਾ ਸਮਾਜ ਦੇ ਰਾਖੇ ਵਜੋਂ ਕੰਮ ਕਰੇਗਾ ਅਤੇ ਕਦੇ ਵੀ ਕਦਰਾਂ-ਕੀਮਤਾਂ ਨੂੰ ਖੋਰਾ ਨਹੀਂ ਲੱਗਣ ਦੇਵੇਗਾ। ਅਤੇ ਹੁਸ਼ਿਆਰਪੁਰ ਫੋਕਸ ਅਖਬਾਰ ਕਾਨੂੰਨ ਤੋੜਨ ਵਾਲੇ ਅਤੇ ਗੈਰ-ਕਾਨੂੰਨੀ ਗਤੀਵਿਧੀਆਂ ਕਰਨ ਵਾਲੇ ਲੋਕਾਂ ਦਾ ਪਰਦਾਫਾਸ਼ ਕਰਕੇ ਸਮਾਜ ਨੂੰ ਜਗਾਏਗਾ ।
ਫੋਟੋ : ਅਜਮੇਰ ਦੀਵਾ
